Deputeti i Kuvendit të Kosovës nga radhët e Lëvizjes Vetëvendosje, Mufail Bajqinovci ka paraqitur një profil të drejtorit të suspenduar të Policisë në veri, që u bo shkas i bojkotit të institucioneve të vendit nga Lista Serbe, raporton KosovaNews.
Sipas deputetit Bajqinovci, ky bojkot nuk është gjë tjetër përpos përpjekje e Beogradit për të strehuar krimin, për të refuzuar ligjin dhe për ta luftuar shtetin tonë nga brenda.
“E për ta konfirmuar këtë, po raportohet që i njëjti pritet të nderohet nga Vuçiqi”, ka shkruar ai.
Bajqinovci ka theksuar se asnjë Qeveri e Republikës së Kosovës nuk merr vendime kundër qytetarëve të komunitetit serb, po asnjë qeveri si Qeveria Kurti nuk ka qenë e vendosur për sundim të ligjit dhe respektim të kushtetuetshmërisë.
Ndërkaq në parqitjen e profilit për drejtorin e suspenduar të Policisë në veri, ai shkruan se Nenad Gjuriq, është i lidhur me me krimin dhe njerëz që janë në sanksione nga ShBA.
Ai tha se Gjuriq si ish- pjesëtar i MUP-it serb, ka vazhduar të bashkëpunoj me banda kriminale dhe shërbimin sekret serb, BIA.
Më poshtë keni profilin e paraqitur nga deputeti Bajqinovci për policin e suspenduar Gjuriq./KosovasNews/
