Deputeti i Kuvendit të Kosovës nga radhët e Vetëvendosjes, Halil Thaçi thotë se gjatë qeverisjes së VV-së është shtrirë sovraniteti në pjesën veriore të Kosovës.
Thaçi shton se partia e tij e ka dëshmuar veten se janë për shtet dhe jo për pushtet.
“Tashmë besoj që edhe me shtrirjen e sovranitetit në veri të vendit, ku Republika e Kosovës de fakto nuk ka pasë qasje në atë pjesë, popullata në atë pjesë ka qenë e diskriminuar e shantazhuar nga kriminelët e ndryshëm”, tha Thaçi.
Ai ripërsërit se VV-ja e ka dëshmuar veten se është për shtet dhe jo vetëm për pushtet dhe se do të vazhdohet deri në zgjedhje që të punohet për të mirën e vendit.
Thaçi thotë se kurdo që mbahen zgjedhjet, Vetëvendosje do të fitojë edhe më shumë se sa në zgjedhjet e kaluara.
“Unë mendoj se mbështetja do të rritet edhe më shumë”, tha Thaçi për GazetaBlic.
