Deputeti i Kuvendit të Kosovës nga radhët e Lëvizjes Vetëvendosje, Valon Ramadani ka bërë të ditur se do të dhurojë libra për bibliotekën e Manastirit.
Ai tha se këtë do ta bëjë bashkë me deputetin e Avni Dehari.
“Bashkë me axhën Avni do të dhurojmë libra për bibliotekën e Manastirit. Nismës së studentes Emira Selimi për hapjen e bibliotekës shqipe, në Shtëpinë e Alfabetit, në Manastir të Maqedonisë së Veriut iu bashkuam edhe unë e axha Avni Dehari”, ka shkruar Ramadani.
Ai ë këtë rast i ka ftuar edhe bashkëqytetarët që të dhurojnë libra për Manastirin, në menzën Ramiz Sadiku, ku edhe po bëhet grumbullimi i tyre.
“Ruajtja e gjuhës dhe identitetit tonë kombëtar në çdo trevë shqipfolëse është obligim kombëtar i secilit prej nesh, andaj unë ju inkurajoj të gjithëve që sipas mundësive të kontribuoni në këtë nismë. Gjithashtu çdokush që ka mundësi do të duhej ta vizitonte Shtëpinë e Alfabetit Shqip në Manastir, dhe të njihet me këtë pjesë të historisë sonë, e sidomos nxënësit e studentët tanë”, ka shkruar deputeti Ramdani në rrjetin social.
