Qendra Klinike dhe Universitare e Kosovës, njofton se gjatë renovimit të sallave të Klinikës së Neurokirurgjisë, dyshohet të jetë dëmtuar një gyp i ujit dhe për shkaqe të sigurisë së aparaturës, rrjedhimisht dhe sigurisë së shëndetit të pacientëve është pezulluar përkohësisht programi i planifikuar operativ jo emergjent, vetëm në këto salla.
Në njoftimin e SHSKUK-së thuhet se për rastet emergjente gjithçka është e siguruar dhe operohen në kuadër të Klinikës Emergjente.
“Ndërsa në rast nevoje janë gati për funksionalizim edhe sallat alternative në klinikat e tjera. Janë marrë masat adekuate që situata të tejkalohet pa vonesa të mëdha. Lutemi për mirëkuptimin e të gjithë palëve”, thuhet në njoftim.
