Presidentja e Kosovës, Vjosa Osmani, ka vizituar sot fëmijët e Down Syndrome Kosova në Ferizaj, në shënim të Ditës Botërore të Personave me Nevoja të Veçanta.
Përmes një postimi, Osmani ka thënë se fëmijët e këtij qendre “me buzëqeshjet dhe shpirtin e pastër” kujtojnë rëndësinë e dashurisë dhe humanitetit në shoqërinë tonë.
Ajo u shpreh mirënjohje prindërve, mësuesve dhe stafit të qendrës, duke theksuar rolin e tyre të pazëvendësueshëm në krijimin e një hapësire të sigurt, të ngrohtë dhe mbështetëse për këta fëmijë.
“Mirënjohje e thellë për të gjithë ata që çdo ditë punojnë me përkushtim që fëmijët të ndihen të pranuar dhe të fuqizuar,” tha Osmani.
