Presidenti i Këshillit Evropian, António Costa, ka deklaruar se sot është në Kosovë për të riafirmuar mbështetjen e vazhdueshme të BE-së.
Sipas Costas, partneriteti i BE-së vjen me përgjegjësi.
“Unë i inkurajoj udhëheqësit politikë që ta bëjnë integrimin në BE një përparësi, përtej ndarjeve politike, dhe të punojnë së bashku drejt këtij qëllimi të përbashkët” tha Costa.
Ai u takua me ushtuesen e detyrës së presidentes, Albulena Haxhiu, dhe me kryeministrin në detyrë Albin Kurti.
Gjatë ditës, Costa do të takohet edhe me liderët e partive opozitare.
Ky është mesazhi i plotë i tij:
Sot jam në Prishtinë për të riafirmuar mbështetjen e vazhdueshme të BE-së për Kosovën.
Ndërsa Kosova shkon drejt zgjedhjeve këtë fundjavë, mesazhi im është i thjeshtë: partneriteti ynë vjen me përgjegjësi.
Unë i inkurajoj udhëheqësit politikë që ta bëjnë integrimin në BE një përparësi, përtej ndarjeve politike, dhe të punojnë së bashku drejt këtij qëllimi të përbashkët.
Kosova ka nevojë për institucione të forta, të qëndrueshme dhe funksionale, të afta për të zbatuar reformat, duke shfrytëzuar mundësitë që ofron Bashkimi Evropian dhe duke përmbushur të gjitha angazhimet e Dialogut Beograd-Prishtinë.
