Skuadra e Pep Guardiolës ka mposhtur në udhëtim Sheffield United me rezultat 1-2 në ndeshjen e javës së tretë të Premierligës.
Pjesa e parë përfundoi pa gola derisa Haaland humbi një penallti në minutën e 37-të.
Ishte pikërisht norvegjezi që kaloi Cityn në epërsi në minutën e 63-të të ndeshjes.
Në minutën e 85-të Bogle barazoi rezultatin por gëzimi i vendasve nuk zgjati shumë.
Tre minuta më vonë u shfaq Rodri i cili shënoi golin e fitores.
Manchester City vazhdon me seri pozitive, ku është e vetme në vendin e parë me 9 pikë.
