Ministri në detyrë i Kulturës, Hajrulla Çeku, ka njoftuar se kanë vizituar nga afër punimet në Qendrën për arte, kulturë e inovacion në Rahovec, e cila tashmë ka marrë formë.
Po ashtu ai bëri të ditur se në këtë hapësirë moderne që po krijohet, për artistët, të rinjtë dhe komunitetin artdashës të Rahovecit punët po zhvillohen me dinamikë të lartë.
Tutje ai ka shtuar se “ky investim i rëndësishëm, me vlerë mbi tre milionë euro, do t’i japë jetë qytetit dhe do të shërbejë si pikë referimi për zhvillimin kreativ dhe artistik”.
“Të përkushtuar për modernizimin e infrastrukturës kulturore anekënd vendit”, ka shtuar Çeku në një postim në Facebook.
