Suella Braverman ka kritikuar kryeministrin britanik Rishi Sinak, një ditë pasi ai e shkarkoi nga posti i Sekretares së Brendshme, raporton “BBC”.
Në një letër, ajo ka thënë se Sunak vazhdimisht ka dështuar në politikat kryesore dhe kishte thyer premtimin mbi emigracionin.
Ajo ka thënë se Sunak ka “shmangur marrjen e zgjedhjeve të vështira”.
Ajo akuzoi se Sunak nuk kishte asnjë qëllim të vërtetë për ta mbajtur premtimin e tij.
Braverman, një figurë kyçe e partisë, pretendon se ishte arritur një marrëveshje e fshehtë për të shërbyer në kabinetin e Sunakut në këmbim të një sërë angazhimesh.
Mbështetja e saj, ajo thotë, se ishte “faktor kryesor” për ta lejuar Sunakun të fitonte mbështetjen e deputetëve konservatorë.
Braverman u shkarkua pasi kritikoi policinë për qëndrim tepër të butë ndaj protestuesve pro-palestinezë. Në vend të saj u emërua James Cleverly si Sekretar i Brendshëm, ndërsa si Sekretar i Jashtëm u emërua ish-kryeministri David Cameron.
