Ad image

Treni del nga shinat, 17 të vrarë e dhjetëra të plagosur në Iran

Kosova News
Kosova News 12:20 -08/06/2022

Të paktën 17 persona u vranë dhe dhjetëra u plagosën pasi katër vagonë treni dolën nga shinat midis qyteteve Mashhad dhe Yazd, në Iran.

Mediat shtetërore raportojnë se një tren me 350 pasagjerë doli nga shinat në Iranin lindor këtë të mërkurë, duke vrarë 17 pasagjerë dhe duke plagosur dhjetëra.

DW tha se një zyrtar vendas ka treguar se treni është përplasur me një ekskavator përpara se të dilte nga shinat.

Pamjet ajrore tregonin se si vagonët e trenave  ishin shkatërruar, ndërsa punonjësit e shpëtimit po ndihmonin të plagosurit, raporton Top Channel, transmeton Kosovanews.

Irani ka linja hekurudhore që përfshijnë pothuajse 14,000 kilometra (8,700 milje) në të gjithë vendin.

Irani pa fatkeqësinë e tij më të rëndë në vitin 2004, kur një tren i ngarkuar me benzinë, plehra, squfur dhe pambuk u rrëzua pranë Neyshaburit, duke vrarë afro 320 njerëz dhe duke plagosur 460 të tjerë. Në këtë incident janë dëmtuar edhe pesë fshatra.

TAGGED: ,
Shpërndaje