Ministrat e Mbrojtjes të vendeve të NATO-s do të mblidhen të martën në Bruksel.
Sekretari i Përgjithshëm i NATO-s, Jens Stoltenberg, ka thënë se pret që çështja e avionëve të diskutohet gjatë takimit, por theksoi se Ukraina ka nevojë për mbështetje urgjente në terren.
Duke folur përpara takimit gjatë një konference për shtyp paraministrore të hënën, ai tha se mbështetja për Ukrainën “ka evoluar ndërsa ka evoluuar edhe lufta”.
Në fazat e hershme të luftës, Stoltenbergu ka thënë se kishte një fokus të madh në armët antitank përpara se të kalonte në shpërndarjen e artilerisë moderne të avancuar.
“Më pas mbrojtja ajrore ka qenë fokusi kryesor dhe tani armatimi i rëndë: Strykers, Bradley, automjete luftarake të këmbësorisë, mortaja nga Gjermania dhe gjithashtu tanke kryesore luftarake”, ka thënë Stoltenberg.
