Zëvendëskryeministri i Kosovës, Besnik Bislimi është kthyer mbrapsht pak para se të arrijë në Beograd.
Këtë për KosovaNews e ka konfirmuar zëdhënësi i Qeverisë së Kosovës, Perparim Kryeziu.
Kryeziu tha se Bislimi së bashku me një delegacion ishte nisur për në kryeqytetin e Serbisë për të marrë pjesë në dy ngjarje që do t’i trajtojnë raportet Kosovë – Serbi.
Bislimi është kthyer mbrapsht përafërsisht 100 kilometra pa mbërritur në Beograd, në vendin e quajtur Velika Plana.
Bislimi së bashku me delegacionin janë kthyer drejt Merdares andej edhe nga kanë hyrë në Serbi.
Kryeziu tutje tha se për këtë ngjarje, Bislimi do të paraqitet para mediave sapo të kthehet në Merdare.
