Zëvendëskryeministri i Kosovës, Besnik Bislimi, gjatë qëndrimit në Francë është takuar edhe me emisarin e Qeverisë franceze për Ballkanin, Rene Troccaz.
Bislimi ka thënë se me emisarin francez kanë diskutuar një mori temash.
“Kontributi dhe përkushtimi i Francës në rajon vlerësohen lart. Mezi presim të forcojmë më tej lidhjet dhe marrëdhëniet tona”, ka shkruar ai në rrjetin social “X”.
Ndërsa të enjten, Bislimi ka takuar sekretaren e Shtetit për Çështje Evropiane të Francës, Laurence Boone.
Sipas një njoftimi për media, në këtë takim është biseduar për zhvillimet e fundit në Kosovë.
Ndryshe, kjo vizitë e Bislimit në Francë vjen pak ditë pasi presidenti i këtij shteti, Emmanuel Macron, “kërcënoi” me pezullimin e vizave për Kosovën.
Met w/Special Envoy @troccazrene, where we covered and discussed a range of topics. The contribution and commitment of France in the region is highly appreciated. Looking forward to further strengthen our ties and relations. pic.twitter.com/wMKRZ0GRaf
— Besnik Bislimi (@BislimiBesnik) October 20, 2023
