Presidenti Joe Biden e ka sulmuar Donald Trumpin për përdorimin e fjalës “parazitë” kur iu referua armiqve të tij politikë, duke thënë se i dha zë gjuhës së Gjermanisë naziste.
Në një tubim, Trump ka përsëritur pretendimet e tij të rreme se mashtrimi i kushtoi atij me zgjedhjet presidenciale të 2020-s dhe i tha turmës se ai do të “rrënjosë komunistët, marksistët, fashistët dhe banditët radikalë që jetojnë si parazitë brenda kufijve të vendit tonë që gënjejnë dhe vjedhin e mashtrojnë në zgjedhje”.
Bideni ka thënë se komentet e ish-presidentit i bëjnë jehonë gjuhës së dëgjuar në Gjermaninë naziste në vitet 1930, raportoi Guardian.
“Në ditët e fundit, Trumpi ka thënë se nëse kthehet në zyre ai do të shkojë prapa të gjithë atyre që e kundërshtuan dhe do t’i fshijë ata që ai i quajti ‘parazitë’… në Amerikë… i bën jehonë gjuhës që keni dëgjuar në Gjermaninë naziste në vitet 30. Nuk është as hera e parë”, ka thënë Biden.
“Trump po ashtu foli edhe se, ‘Gjaku i Amerikës po helmohet’… Sërish, jehonë frazës së njëjtë të përdorur në Gjermaninë naziste”.
