Presidenti amerikan, Joe Biden do të takohet me homologun e tij kinez Xi Jinping “herët a vonë”. “Pavarësisht nëse është së shpejti apo jo, ne do të takohemi,” tha presidenti amerikan Biden në përgjigje të pyetjeve të gazetarëve përpara nisjes së tij për në Japoni për një takim të G7.
Marrëdhëniet SHBA-Kinë kanë qenë tashmë të tensionuara, por marrëdhëniet midis Uashingtonit dhe Pekinit u përkeqësuan në mënyrë dramatike pas zbulimit të asaj që administrata Biden tha se ishte një balonë spiune kineze në lartësi të madhe mbi SHBA kontinentale në fillim të këtij viti.
Kina e pranoi pronësinë e balonës por pohon se ishte një balonë moti që kishte fluturuar jashtë kursit, duke dënuar vendimin e Uashingtonit për ta rrëzuar atë dhe duke pezulluar disa kontakte me SHBA-në, përfshirë edhe dialogun ushtarak të nivelit të lartë.
Në vazhdën e incidentit, SHBA anuloi atë që do të ishte një takim kritik i diplomatëve të lartë për të vijuar në takimin e nëntorit midis Biden dhe Xi në Indonezi.
