Një faqe sportive turke që transmetohet në gjuhën gjermane dhe posedon mijëra ndjekës, ka reaguar me tone vlerësuese për Kombëtaren e Kosovës, pas ndeshjes së fundit, duke theksuar progresin dhe potencialin e ekipit dardan.
Në një postim të publikuar në rrjetet sociale, “Türkische Fußball News” ka shprehur “respekt të madh” për atë që Kosova ka arritur në një periudhë të shkurtër kohore në futbollin ndërkombëtar.
“Respekt i madh për atë që ky vend ka ndërtuar në kaq pak kohë. Besoni në veten tuaj – keni një ekip shumë stabil dhe lojtarë shumë të mirë. Ishte një lojë e drejtë, ju urojmë shumë suksese”, thuhet në reagim.
Tutje, në mesazhin e tyre theksohet se Kosova ka potencial që shumë shpejt të jetë pjesë e turneve të mëdha ndërkombëtare.
“Më së largu në turneun e ardhshëm të madh, do të jeni aty, nëse Zoti do”, përfundon postimi.
Ky reagim vjen në një kohë kur Kombëtarja e Kosovës, pavarësisht rezultatit, ka marrë vlerësime për paraqitjen dhe nivelin e treguar në fushë.
