Bashkimi Evropian në një deklaratë për media ka reaguar pas vendimit preliminar të miratuar nga Qeveria e Kosovës për shpronësime të pronave të paluajtshme në Komunën e Leposaviqit dhe atë të Zubin Potokut, për realizimin e projekteve infrastrukturore për interes publik.
Për këtë, BE-ja ka konsideruar se themelimi i katër bazave të Policisë së Kosovës në tokë private dhe shoqërore – në disa raste para fillimit të procedurave të shpronësimit – ngre shqetësime për të drejtat pronësore në veri të Kosovës dhe duhet të adresohet në mënyrë adekuate nga autoritetet.
Po ashtu, BE-ja ka kërkuar nga Qeveria e Kosovës që t’i përmbahen rreptësisht procedurave ligjore në shpronësimin e pronës së paluajtshme, të bëjnë të pamundurën për të siguruar që të ndiqet procesi i rregullt dhe “se të drejtat pronësore të pronarëve të prekur dhe mbajtësve të interesit respektohen plotësisht”.
