Është shtyrë votimi i kërkesës së Lëvizjes Vetëvendosje për përjashtimin e deputetës Duda Balje dhe deputetit Ljubinko Karagjiq, nga Komisioni Hetimor për Energji.
Balje e lëshoi paraprakisht mbledhjen.
Ajo tha se do të vazhdojë të votojë dhe të flasë si mendon vet dhe jo si do Vetëvendosja.
Lidhja Demokratike e Kosovës e bojkoton komisionin deri të fillojnë intervistimet, pse konsideron se shumica nuk është serioze.
Mbledhjen e kaluar, Balje ka kundërshtuar propozimin e VV-së që intervistat të bëhen sipas periudhave të caktuara “Cik-Cak”, jo kronologjikisht.
