Deputeti i Lëvizjes Vetëvendosje, Mefail Bajqiovci ka bërë të ditur se gjatë këtyre tri viteve të Qeverisjes Kurti, kanë arritur të rishpërndajnë rreth 1.2 miliardë euro te qytetarët e Kosovës si dhe te bizneset.
Bajqinovci, tutje ka thënë se borxhi për mallra dhe shërbimet nga qeveritë e kaluara në vitin 2020 ishte 140 milionë euro, ndërsa tani sipas tij është ulur në 33 milionë.
“Në këto tri vite e gjysmë qeverisje të kryeminstrit Kurti, kemi rishpërndarë rreth 1.2 miliardë euro te qytetarët dhe bizneset përmes masave të ndryshme, pa krijuar borxhe të reja. Borxhi për mallra dhe shërbime nga qeveritë e kaluara, i cili në vitin 2020 ishte 140 milionë euro, sot është ulur në vetëm 33 milionë”, ka shkruar deputeti Bajqinovci në një postim në facebook.
Bajqinovci postimin e përmbylli duke përmendur organizimin e Lojërave Mesdhetare që do të mbahen në Kosovë në vitin 2030.
