Ekipi kosovar në CS:GO, Bad News Eagles, ka fituar ndeshjen ndaj GamerLegion me rezultat të përgjithshëm 2-1 me mapa, për të kaluar direkt në fazën “Legends Stage”.
Me këtë fitore, ekipi nga Kosova u është bashkuar skuadrave si Na’Vi, fnatic dhe Into the Breach, të cilat siguruan fazën “Legends Stage” një ditë më parë.
Kjo është hera e parë që ekipi Bad News Eagles ka kaluar direkt në fazën “Legends Stage” nga turneu RMR, derisa gara për ta do të vazhdojë në Paris, duke filluar nga data 13 maj.
Në BLAST Paris Major do të ndahen 1.2 milion dollarë për 16 skuadrat pjesëmarrëse.
