Presidenti i Maltës, George Vella, ka ritheksuar përkrahjen e vendit të tij për rrugëtimin e Kosovës drejt Bashkimit Evropian.
Vella në konferencë të përbashkët për media në Prishtinë me presidenten e Kosovës, Vjosa Osmani, ka thënë se Malta përkrah integrimin e Ballkanit Perëndimor në BE.
“E ritheksoj mbështetjen e vazhdueshme të Maltës për Kosovën në rrugëtimin drejt anëtarësimit në BE. Mirëpres raportin e Komisionit Evropian, dhe e inkurajoj Kosovën të vazhdojë rrugëtimin reformues drejt perspektivës evropiane. Malta mbështet propozimin e KE-së për liberalizim të vizave, pasi Kosova ka përmbushur gjitha kushtet”, ka thënë Vella, që ka shtuar se përkrah dialogun e ndihmuar nga BE-ja mes Kosovës e Serbisë.
Ndërkohë presidenti i Maltës ka falënderuar Osmanin për ftesë dhe popullin e Kosovës për mikpritjen.
Ai po ashtu ka dënuar agresionin rus në Ukrainë dhe ka thënë se Malta nuk i pranon referendumet e mbajtura në territoret ukrainase të pushtuara nga Rusia.
