Tre persona u vranë të premten në fshatin Rufc të Lipjanit. Kryefamiljari ka vrarë bashkëshorten, djalin e tij e më pas edhe veten.
Policia menjëherë është angazhuar për zbardhjen e rastit.
Në shtëpinë ku ka ndodhur rasti, policët kanë gjetur revolen e përdorur dhe katër gëzhoja. E përveç asaj, në shtëpi është gjetur edhe një revole tjetër.
“Raportohet se i dyshuari mashkull kosovar ka vrarë bashkëshorten dhe djalin e tij e më pas ka kryer vetëvrasje. Njësitë relevante policore dhe prokurori i shtetit kanë dalë në vendin e ngjarjes. Në vendin e ngjarjes janë gjetur dhe sekuestruar një revole e cila dyshohet se janë përdorur në rast dhe 4 gëzhoja. Gjatë kontrollit në një dhomë të shtëpisë është gjetur dhe sekuestruar edhe një revole tjetër me dy fishekë”, thuhet në raportin ditor të Policisë së Kosovës.
Trupat e viktimave janë dërguar në obduksion.
