Avokati Stojkoviq: BIA e rrahu keq dhe ia theu brinjën e shtatë Sanduloviqit

Avokati nga Serbia, Cedomir Stojkoviq, ka zbuluar prova të reja lidhur me sulmin fizik ndaj politikanit serb, Nikola Sanduloviq.

Stojkoviq zbuloi se Sanduloviq ka pësuar frakturë në një brinjë dhe shtoi se gjendja e tij shëndetësore është aq e rëndë saqë ai nuk ka mundur të transportohet për në Beograd.

Në një postim në Twitter, Sanduloviq ka ndarë informacione rreth sulmit që ka ndodhur në agjencinë e inteligjencës serbe, BIA.

“Sot publikojmë raportin mjekësor të Qendrës Spitalore Klinike të Serbisë në Beograd, ku thuhet:

– se Nikolla Sanduloviq është rrahur nga persona të panjohur;

– se i është thyer brinja e shtatë nga rrahja në BIA;

– se gjendja e tij shëndetësore është e tillë që nuk është e mundur të transportohet nga Beogradi (në Nish, ku më vonë është ndaluar edhe pse nuk është marrë në pyetje).

Kujtojmë se, sipas deklaratës së Nikolla Sanduloviqit, të cilën ai më dha mua si avokat, ai ishte “rrëmbyer nga shtëpia e tij nga anëtarë të BIA-s, të cilët e çuan në selinë e agjencisë, ku e rrahën”.

Më pas, ai u dënua me paraburgim të paligjshëm “për vendosjen e luleve mbi varrin e vajzës shtatëvjeçare shqiptare Brerima Jasharit” (ky është veprimi për të cilin ai akuzohej me pretendimin se në këtë mënyrë ka kryer veprën penale të nxitjes së urrejtjes kombëtare nga neni 317 i Kodit Penal).

“Raporti mjekësor që po e publikojmë sot është dashur të zhduket në spitalin e Burgut Qendror, ku e kanë dërguar Nikolla Sandulivuqin së bashku me dokumentacionin mjekësor të spitalit civil (Qendra Klinike) që kishte me vete”.

Megjithatë, siç mund ta shihni: nuk është magji e Krishtlindjeve!

Ishte interesante të shihje këto tre ditë kush mohoi gjithçka që e gjithë kjo ka ndodhur. E kush tha se kjo rrahje ishte e sajuar, dhe kush e relativizoi gjithçka. Në media, në rrjete zyrtare, në “opozitën proevropiane”.

“Të të gjithë lehtësisht mund të gjejmë një lidhje me krahun politik të BIA-s. Nëse nuk e keni ditur deri tani, këta janë barinjtë e Vuçiqit në Serbi. Gëzuar Krishtlindjet”, ka përfunduar ai.

📢 EVIDENCE OF THE BEATING OF SANDULOVUĆ IN BIA:

Today we publish the medical report of the Clinical Hospital Center of Serbia in Belgrade, which states:
– that Nikola Sandulović was beaten by unknown persons;
– that his seventh rib was broken from the beating in BIA;
– that… https://t.co/cfsO1ogM7H pic.twitter.com/lqWdLVkbQr

— Advokat Čedomir Stojković ☘️🇷🇸🇺🇦🌏 (@FIGHT_4_RIGHT_S) January 7, 2024