Avokati Dritëro Kollqkau, që është subjekt hetimi në një dosje kriminale në Pejë, ka parashtruar kallëzim penal ndaj prokurores se rastit, Sahide Gashi.
Lajmin e ka konfirmuar zëdhënësi i Prokurorisë Themelore të Pejës, Shkodran Nikçi.
“Prokuroria Themelore në Pejë, ka pranuar një kallëzim penal ndaj prokurores, me ç’rast do ta trajtoj këtë çështje, dhe pasi të merret vendimi i duhur, atëherë do të njoftojmë” – tha Nikçi.
Nikçi tha se avokati Dritëro Kollqaku, është subjekt hetimi në rastin në fjalë.
“Sa i përket pyetjes për Driton Kollqakun, i njëjti është subjekt hetimi në rastin konkret” – tha Nikci.
Për rastin e kallëzimit penal ndaj prokurores tha se Kryeprokurori do ta shqyrtoj këtë çështje./Kallxo.com/