Avokati Arianit Koci ka reaguar lidhur me ndalimin e klientit të tij, z. Hekuran Nikçi, Kryeinspektor i Punës, duke e cilësuar këtë veprim si të panevojshëm dhe të pabazuar.
Ai thekson se z. Nikçi po hetohet pa prova konkrete për përgjegjësi penale dhe se procesi hetimor nuk po zhvillohet në mënyrë të drejtë dhe ligjore. Sipas Kocit, çështja ka të bëjë me interpretimin juridik të veprimeve ligjore në një kontest administrativ. Ai bën thirrje për një drejtësi të pavarur dhe të paanshme, të pandikuar nga faktorë politikë apo interesa të tjera, dhe deklaron se do të përdoren të gjitha mjetet ligjore për të mbrojtur të drejtat e z. Nikçi dhe për të siguruar një proces të drejtë dhe transparent.
Kjo deklaratë vjen pas ndalimit me urdhër të Prokurorisë Themelore në Prishtinw për 48 orë të z. Hekuran Nikçi, Kryeinspektor i Punës.
