Në rrugën e kombit në Shqipëri një autobus me targa të Kosovës ka goditur një biçiklist mëngjesin e të martës së 27 qershorit.
Ngjarja ka ndodhur mëngjesin e sotëm, konkretisht rreth orës 09:30. Autobusi kishte drejtimin Morinë-Durrës, kur ka përplasur viktimën me inicialet N.P i cili ishte në lëvizje me biçikletë.
Viktima ishte banor i fshatit Fang të Rubikut dhe si pasojë e përplasjes nga autobusi ka humbur jetën në vend të ngjarjes. Ndërsa pasagjerët e autobusit kanë shpëtuar pa pasoja.
Shoferi, 60-vjeçari kosovar me inicialet E. R., është shoqëruar në ambientet e Policisë, për kryerjen e veprimeve të mëtejshme procedurale.
Sipas njoftimit të policisë, në vendin e ngjarjes ndodhen shërbimet e Policisë Rrugore të Njësisë për Sigurinë e Autostradës “Milot-Morinë”, dhe grupi hetimor vijon punën për përcaktimin e shkakut të këtij aksidenti.
