Mbledhja e Kuvendit Komunal të Komunës së Prishtinës ka nisur dhe po vazhdon me probleme gjatë ditës së sotme. Pas bojkotit që bën në seancë asamblistët e Vetëvendosjes, tani kuorumin nuk po e bëjnë as asamblistët e koalicionit qeverisës LDK-PDK.
Nga 26 asamblistë të koalicionit qeverisës LDK-PDK, në mbledhjen e Kuvendit Komunal të Prishtinës të pranishëm aktualisht janë vetëm tetë prej tyre.
Asamblisti i Vetëvendosjes, Gëzim Sveçla shkruan se po ashtu të pranishëm janë vetëm katër drejtori komunale dhe një nënkryetar, ndërsa mungon edhe kryetari Përparim Rama.
“Kjo tregon për nivelin e tyre të përgjegjësisë në raport me qytetin dhe qytetarët”, ka shkruar ai.
Asamblisti ka publikuar edhe fotografi nga salla, ku shihet se shumica e asamblistëve të koalicionit LDK-PDK mungojnë.
