Ad image

Pupovci: Ky vit shkollor nuk ka qenë i lehtë, duhet koordinim

Kosova News
Kosova News 21:06 -14/06/2022

Ministria e Arsimit, e Shkencës, e Teknologjisë dhe e Inovacionit ka mbajtur takim me drejtorët e Drejtorive Komunale të Arsimit, në të cilin është diskutuar për përfundimin e vitit shkollor 2021/2022 dhe përgatitjet për fillimin e vitit të ri shkollor.

Në këtë takim, zëvendësministri i Arsimit, Dukagjin Pupovci, përmendi faktin se nuk ka qenë një vit i lehtë shkollor për shkak të çrregullimeve që shkaktoi në sistem pandemia.

Ndër të tjera, zv/ministri Pupovci theksoi rëndësinë që ka koordinimi i veprimeve mes nivelit qendror dhe atij lokal, sidomos në këtë fazë, në mënyrë që të përmbyllet viti dhe të gjitha proceset me sukses.

Gjatë takimit, u bisedua edhe për mbarëvajtjen e pjesës së parë të Testit të Arritshmërisë dhe organizimit të pjesës së dytë e cila do të mbahet më 14 qershor, si dhe përgatitjet që janë bërë për Provimin e Maturës, i cili mbahet më 18 qershor.

Përgatitjet për fillimin e vitit të ri shkollor, ishin po ashtu temë e takimit të sotëm, përfshirë këtu regjistrimin e nxënësve në klasën e parë dhe në të dhjetën, shpërndarjen e teksteve shkollore dhe çështje të tjera me rëndësi për fillim të mbarë të vitit shkollor 2022/2023./akd/

Shpërndaje