Arrigo Sacchi ka lavdëruar Stefano Piolin dhe Milanin pas paraqitjes fantastike të tyrë në fitoren 2-0 ndaj Lazio mbrëmjen e së shtunës, duke thënë se ndihej sikur po e shikonte Milanin e vjetër.
Rossonerët u rikthyen në pozitën e dytë në tabelën e Serie A dhe tani janë me pikë të barabarta me liderët e tabelës Interin, duke përmbysur situatën në favorin e tyre pas humbjes së thellë me rezultat 5-1 në derbin e qytetit.
Prurjet e reja Christian Pulisic dhe Noah Okafor shënuat golat e fitores në minutën e 60-të dhe në minutën e 88-të respektivisht.
Pioli u desh të menaxhoj mungesat në këtë takim, me mesfushorët kyç Rade Krunic dhe Ismael Bennacer që vazhdojnë të mbesin jashtë fushave për shkak të lëndimit. Ruben Loftus-Cheek gjithashtu u desh të zëvendësohej pas vetëm 30 minutave lojë.
Përkundër të gjitha problemeve, ata arritën përsëri të dhurojnë një shfaqje të bukur për tifozët e ekipit.
Duke shkruar në kolumnën e tij javroe për “La Gazzetta dello Sport”, Sacchi u shpreh: “Milani ndaj Lazios, veçanërisht në pjesën e dytë, ishte në kufijtë e perfeksionit”.
“Ata ishin një ekip i organizuar, agresiv, ku secili ndihmonte njëri-tjetrin. U luajt shumë me topin në fushë duke mos humbur kohë me krosime të panevojshme”, shtoi Sacchi.
Milan do të rikthehet në aksion këtë të martë, teksa ata do të ballafaqohen e ekipin gjerman Borussia Dortmund ku do të vihen në kërkim të fitores së parë në Ligën e Kampionëve, pas barazimit pa gola në ndeshjen e parë ndaj Newcastle United.
