Policia e Kosovës ka njoftuar të premten se ka arrestuar një të dyshuari për krime lufte në Kosovë.
I njëjti është dërguar në mbajtje.
“Pas një pune hetimore të kryer nga njësia e Hetimeve të Krimeve të Luftës është identifikuar dhe arrestuar i kërkuari mashkull serb për krime lufte të kryera ndaj popullatës civile në Kosovë në periudhën gjatë viteve 1998-1999”, deklaron policia.
“I njëjti me vendim të prokurorit dërgohet në mbajtje. Rasti nën hetime”, thuhet në njoftimin e policisë.
Policia deklaron se prangosja e tij është bërë në fshatin Gurakoc të Istogut. /RTKlive/
