Policia e Kosovës njofton se dje rreth orës 16:40 ka pranuar një informacion se në fshatin Dubravë të Ferizajt është një rast i dhunës në familje.
Në lidhje me këtë, policia e stacionit në Ferizaj thuhet se menjëherë i ka marrë veprimet e nevojshme, ka dalë në vendin e ngjarjes dhe ka arrestuar personin me inicialet M.N (M/K) i moshës 55-vjeçar.
Sipas njoftimit, personi i dyshuar për shkak të një mosmarrëveshje në familje e kishte sulmuar bashkëshorten e tij S.H (F/K) e moshës 48 vjeçare, ndërsa lëndime trupore pëson edhe vet M.N nga djali i tij D.N (M/K) i moshës 22-vjeçar.
“Policia të dyshuarit, i ka shoqëruar në stacionin e policisë në Ferizaj dhe pas intervistimit nga policët hetues të dhunës në familje, me vendim të Prokurorit nga Prokuroria Themelore në Ferizaj, i dyshuari M.N dërgohet në mbajtje për 48 orë, me dyshimin se ka shkaktuar dhunë në familje dhe sulm, ndërsa D.N lirohet në procedurë të rregullt për lëndim trupor, për procedura të mëtejme hetimore”, bëhet e ditur nga Policia e Kosovës.
