Policia e Kosovës njofton se është arrestuar një person në Prizren, nën dyshimin se ka sulmuar fizikisht bashkëshorten e tij shtatzënë, në repartin e Gjinekologjisë.
Lajmi u bë i ditur përmes raportit 24 orësh të Policisë, ku thuhet se rasti ka ndodhur të shtunën, rreth orës 22:30.
“Është arrestuar i dyshuari mashkull kosovar nën dyshimin se i njëjti në repartin e gjinekologjisë për shkak të një mosmarrëveshje ka sulmuar (në afekt) fizikisht viktimën femër kosovare-bashkëshorten e tij shtatzënë”, thuhet në njoftim.
Sipas Policisë, me urdhër të prokurorit, i dyshuari pas intervistimit është dërguar në mbajtje.
