Policia e Kosovës ka bërë të ditur se të premten ka arrestuar një shtetas të Serbisë në Gjilan, nën dyshimin se ka bashkëjetuar me një person të moshës nën 16 vjeç.
Në njoftimin e policisë të shtunën thuhet se i dyshuari është dërguar në mbajtje.
“Lidhur me rastin, me 23.09.2022, me urdhër të gjykatës është arrestuar i dyshuari mashkull shtetas i Serbisë, nën dyshimin e bazuar se i njëjti ka kryer veprën e cekur. Me vendim të prokurorit, i dyshuari pas intervistimit është dërguar në mbajtje”, thuhet në njoftim.
