Ish-asamblisti i PDK-së në Prizren, Bardhi Avdaj, u arrestua sot, pasi sulmoi fizikisht një punonjës shëndetësor.
Burimet njoftojnë se Avdaj sulmoi kryeinfermierin e Qendrës Kryesore të Mjekësisë Familjare në Prizren, D.B.
Për sulmin, Avdaj u ndalua për 48 orë, pas intervistimit.
“Pas një mosmarrëveshjeje të lidhur me punën, një person i dyshuar ka sulmuar një qytetar dhe ka shkaktuar dëmtime materiale në zyrë. Të dy palët janë shoqëruar në stacionin policor dhe janë intervistuar. Me urdhër të Prokurorit të Shtetit, i dyshuari është ndaluar për 48 orë, ndërsa rasti është duke u trajtuar për hetim të mëtejshëm”, kanë pohuar nga policia.
Avdaj ishte asamblist në Kuvendin Komunal të Prizrenit në mandatin e kaluar./Indeksonline
