Policia e Kosovës ka arrestuar sot rreth orës 09:55 personin në kërkim me inicialet A.M, i moshës 18 vjeç në fshatin Godanc të Shtimes.
Sipas një njoftimi të Policisë bëhet e ditur se i dyshuari ishte i dënuar me 4 muaj burgim efektiv për veprën penale “vjedhje”.
“Arrestohet një person i kërkuar në Shtime. Më datë 27.06.2025, rreth orës 09:55 në fshatin Godanc i Epërm në Shtime, njësitet policore bazuar në urdhëresën e lëshuar nga Gjykata Themelore në Ferizaj, kanë arrestuar personin e kërkuar A. M, 18 vjeç. Ai ishte i dënuar me 4 muaj burgim efektiv për veprën penale ‘Vjedhje’ “, thuhet në njoftim.
Tutje sipas postimit pas përfundimit të procedurave të nevojshme policore, i dënuari është dërguar për vuajtjen e dënimit.
