Policia e Kosovës njofton se i ka arrestuar tre persona të kërkuar me urdhëresë nga Gjykata, të cilët për shkak se kanë kryer vepra të ndryshme penale edhe janë dërguar në vuajtje të dënimit.
Sipas njoftimit të Policisë, me datën 27 dhe 28 tetor 2022 njësitet policore në Vushtrri dhe Mitrovicë, në bazë të urdhëresave aktive kanë arrestuar tre persona të cilët ishin në kërkim me urdhëresë të lëshuara nga Gjykata kompetente.
Personat e arrestuar janë: i dyshuari i parë A.Z., 39 vjeçar, i kërkuar për veprën penale “ Vjedhje e shërbimeve”, i dyshuari i dytë D.Q., 31 vjeçar, i kërkuar për veprën penale “ Dhuna në Familje” dhe i dyshuari i tretë N.I., 30 vjeçar, i kërkuar për veprën penale “ Vjedhje ”, të gjithë shtetas të Republikës së Kosovës.
Policia bën të ditur se të njëjtit pas përfundimit të procedurave policore, respektivisht i dyshuari i parë pasi që dënimi ka qenë i zëvendësuar gjobë ka paguar gjobën dhe është liruar, kurse i dyshuari i dytë dhe i tretë janë dërguar në vuajtje të dënimit./KosovaNews/
