Mbrëmë nga njësiti i hetimeve të Përgjithshme të rajonit të Prishtinës, janë arrestuar tre persona të dyshuar për veprën vjedhje e rëndë.
Peronat e dyshuar që u prangosën janë:
– E. A, mashkull 41 vjeç, shtetas i Republikës së Kosovës,
– H. S, mashkull 36 vjeç, shtetas i Republikës së Kosovës
– A.A, mashkull, i mitur, shtetas i Republikës së Kosovës, me vendim të prokurorit të shtetit janë dërguar në qendrën e mbajtjes.
Ndërsa bëhet e ditur se personi i identifikuar si i dyshuar për blerje, pranim të gjësendeve të vjedhura, është B.A, mashkull 48 vjeç, shtetas i Republikës së Kosovës, por që aktualisht ndodhet në arrati.
Policia e Kosovës thekson se arrestimi i të dyshuarve ka ardhur si rezultat i një pune të shkëlqyer hetimore të cilën specialist për hetimin e krimit e kanë bërë në rastin e denoncuar me datën 10.02.2023.
Pjesë e aksionit policor ka qenë edhe kontrolli i dy lokacioneve të ndryshme ku personave të dyshuar u janë gjetë dhe sekuestruar dy armë zjarri dhe gjësendet (stoli, disa ora dore, etj.), që dyshohet se janë të vjedhura.
Aktualisht hetuesit policor në koordinim me prokurorin e shtetit janë duke kryer veprimet e nevojshme, lidhur me veprën vjedhje e rëndë dhe dy armëmbajtje pa leje.
