Imami i Xhamisë së fshatit Lupç të Podujevës, Zeqir Berisha, është rrahur rëndë nga tre persona.
Pas raportimeve në media, tani lajmin ka konfirmuar edhe zëdhënësja e policisë për rajonin e Prishtinës, Flora Ahmeti.
Ajo ka thënë se të enjten rreth orës 22:00, policia ka marr informatën se është gjetur një person i lënduar rëndë.
“Personi i lënduar Z.B. mashkull, është dërguar për tretman mjekësor, ndërkohë që njësitet policore të Podujevës menjëherë kanë filluar ndërmarrjen e verimeve operativo-hetimore dhe kanë arritur të arrestojnë tre persona të dyshuar”, tha Ahmeti.
Personat e arrestuar janë: B.M (mashkul 27vjeç), A.M (mashkul 28vjeç) dhe Sh.M (mashkul 25vjeç).
Bëhet e ditur se pas intervistimit, me urdhër të prokurorit të shtetit të dyshuarit janë dërguar në qendrën e mbajtjes dhe ndaj tyre është iniciuar rasti ‘vrasje në tentativë’.
