Policia e Kosovës ka arrestuar sot katër persona në rajonin e Prishtinës, të dyshuar për përfshirje në veprën penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve ose mjeteve plasëse”, sipas nenit 364 të Kodit Penal të Republikës së Kosovës (KPRK).
Operacioni është zhvilluar nga Sektori i Hetimeve i Departamentit të Kufirit, me mbështetjen e njësive tjera relevante, në bazë të një urdhërese të lëshuar nga Gjykata Themelore në Prishtinë.
Gjatë bastisjes së tetë lokacioneve të ndryshme në rajonin e Prishtinës, janë sekuestruar një pushkë automatike AK-47, 23 fishekë, dy magazina (karikatorë), një bajonetë, një thikë, 78 gramë substancë e dyshuar narkotike, shtatë telefona celularë
Pas intervistimit dhe përfundimit të procedurave fillestare, katër të dyshuarit – shtetas meshkuj të Kosovës – janë liruar në procedurë të rregullt me urdhër të prokurorit të rastit.
Policia ka njoftuar se hetimet për këtë rast janë duke u zhvilluar.
