Janë arrestuar 4 shtetas të Gjermanisë në Shëngjin, nën dyshimin se posedonin lëndë narkotike të llojit kanabis.
Policia e Shqipërisë ka bërë të ditur se lënda narkotike është sekuestruar, e po ashtu edhe automjeti që po përdornin.
Policia po ashtu njoftoi se të arrestuarit janë: L. H., 28 vjeç, L. S., 25 vjeç, S. H., 27 vjeç, dhe M. R., 23 vjeç, banues në Gjermani.
Materialet procedurale iu referuan prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprën penale “Prodhimi dhe shitja e narkotikëve”.
