I vunë zjarrin një veture “Audi”, arrestohen dy të dyshuar

Policia e rajonit të Prishtinës, respektivisht hetuesit e stacionit policor Veriu në Prishtinë, kanë arrestuar dy të dyshuar për veprën penale “zjarrvënie”. Rasti ka ndodhur me datë, 03.08.2023, në rrugën “Asllan Pireva” në Prishtinë, me ç’ rast ishte djegur një veturë Audi me targë Kosove, e cila atë moment ishte e parkuar.Ndërmarrja e veprimeve hetimore dhe veprimeve të tjera operative të kryera nga njësiti i hetimeve të stacionit policor Veriu në Prishtinë, ka rezultuar me identifikimin si dhe arrestimin e të dyshuarve;• S. Sh. 61 vjeç, mashkull, shtetas i republikës së Kosovës, si dhe• B. K. 25 vjeç, mashkull, shtetas i republikës së Kosovës, për të cilët dyshohet me bazë të jenë përfshirë në rastin në fjalë.Të dyshuari, pas arrestimit, me aktvendim mbi ndalimin e personit të dyshuar, të nxjerrë nga ana e prokurorit të shtetit u dërguan në qendrën e mbajtjes prej 48 orësh, si vijimësi e fazave të mëtejme të procesit hetimor.