Dy persona janë arrestuar në Gjilan nën dyshimin se e kishin mbajtur një person në një lokal dhe kishin ushtruar dhunë ndaj tij.
Në raportin 24 orësh të Policisë, thuhet se rasti kishte ndodhur më 8 dhe 9 qershor 2024, rreth orës 23:00 dhe është iniciuar si “Privim i kundërligjshëm i lirisë”.
“Gjilan 08-09.06.2024, 23:00. Ankuesi mashkull kosovar ka raportuar se ndaj tij ishte kryer vepra e lartcekur nga dy të dyshuar të panjohur, ku dyshohet se të njëjtin e kishin mbajtur në një lokal dhe kishin ushtruar dhunë fizike ndaj tij. Viktima kishte pësuar lëndime të lehta dhe i njëjti kishte pranuar tretman mjekësor. Lidhur me rastin janë identifikuar dhe arrestuar dy të dyshuarit meshkuj kosovarë dhe të njëjtit pas intervistimit me vendim të prokurorit janë dërguar në mbajtje”, thuhet në njoftim.
