Dy persona janë arrestuar nën dyshimin se kanë shtënë me armë zjarri të dielën rreth orës 08:00 në fshatin Dollc të Klinës. Policia e Kosovës ka bërë të ditur se gjatë kontrollit tek të dyshuarit ka gjetur dhe sekuestruar armë dhe fishekë.
“Arrestohen dy persona tё dyshuar për veprat penale ‘mbajtje nё pronёsi, kontroll ose posedim tё paautorizuar tё armёve’, ‘pёrdorim i armёs’. Drejtoria Rajonale e Policisё nё Pejё, Stacioni Policor Klinё, me datën 23.03.2025, rreth orёs 08:00, ka pranuar informatё se nё fshatin Dollc-Klinё, ka tё shtёna me armё. Policia menjëherë ka shkuar nё atё lokacion dhe kanё identifikuar vendin e ngjarjes ku gjatё bisedёs me tё dyshuarin i njëjti nuk ka pranuar se ka shtёnё me armё. Pas kontrollit nga Policia janё gjetur disa gёzhoja, e mё pas janё gjetur dhe janë sekuestruar: njё armё automatike AK47, njё karikator i tё njëjtёs armё, 183 fishekë kal: 7.62×39, gjashtё gёzhoja kal:7.62×39”, thuhet në njoftim.
Në njoftim theksohet se nё vazhdën e hetimve nga hetuesit e Stacionit Policor Klinё, nё tё njëjtin lokacion janё gjetur dhe janë sekuestruar: njё mortajё dore 69/40, njё karikator i AK47, 34 fishekё 7.62×39, nёntё fishekë kalibër i panjohur.
Tё dyshuarit, pas intervistimit nga hetuesit, me urdhёr të prokurorit tё shtetit, janё ndaluar pёr 48 orё.
