Trajneri italian, Carlo Ancelotti, ka folur sot në një konferencë për shtyp para ndeshjes me Borussia Dortmundin.
Ancelotti, nuk kurseu lëvdatat për yllin e skuadrës, anglezin Jude Bellingham, që këtë sezon e aktivizoi në një pozicion ndryshe nga sezoni i kaluar.
“Natyrisht që Jude do të donte të shënonte më shumë, por ne jemi shumë të kënaqur me të”.Ai bën shumë më tepër gjëra sesa golat për ne, kontributi i tij i përgjithshëm është shumë më i rëndësishëm se golat e tij. Ai është një lojtar shumë i rëndësishëm për ne”. – ka thënë Ancelotti në konferencë për media.
Kujtojmë që kampioni aktual i Evropës, Real Madridit do të përballet me nënkampionin, Borussia Dortmundin, me ndeshjen që do të zhvillohet në orën 21:00 në Santiago Bernabeu.
