Ambasadori i Shqipërisë në Kosovë, Petrit Malaj ka takuar komandantin e KFOR-it, Gjeneralmajor Ozkan Ulutas ku kanë diskutuar për situatën e sigurisë në Kosovë.
Malaj ka bërë të ditur se Shqipëria do ta mbështesë KFOR-in në çështjet e Kosovës, pasi në vitin 2024 shteti shqiptar do ta rrisë prezencën e saj në sigurinë e Kosovës.
Ambasadori shqiptarm po ashtu në këtë takim ka pohuar se rruga e vetme për normalizimin e marrëdhënieve Kosovë – Serbi është ajo e dialogut.
“I shoqëruar nga Atasheu Ushtarak Kolonel Altin Kurti, zhvillova një takim miqësor me Komandantin e KFOR, Gjeneralmajor Ozkan Ulutas. Gjatë këtij takimi biseduam për situatën e sigurisë në Kosovë. Gjeneralmajor Ulutas falënderoj Shqipërinë për mbështetjen që i jep KFOR-it. I konfirmova se Shqipëria do të vazhdojë të mbështesë KFOR, pasi vendi ynë e ka Kosovën në prioritetin më të lartë. Po kështu, kjo mbështetje do të vijojë pasi në vitin 2024, Shqipëria do të rrisë prezencën e saj. Gjithashtu, i bëra të ditur se rruga e vetme për normalizimin e marrëdhënieve Kosovë – Serbi është ajo e dialogut”, ka shkruar ai në faqen e tij në ‘Facebook’.
