Ambasadori i ShBA-së në Kosovë, Jeffrey Hovenier, ka thënë se zbatimi i marrëveshjes së arritur mes Kosovës dhe Serbisë, është kritik për zhbllokimin e së ardhmes.
Përmes një postimi në Twitter, Hovenier tha se SHBA-të do të vazhdojnë të qëndrojnë pranë popullit të Kosovës, për të realizuar sipas tij, një nga prioritetet tona kryesore, të përbashkëta.
“Zbatimi i kësaj marrëveshjeje është kritik për zhbllokimin e së ardhmes së Kosovës. Ne do të vazhdojmë të qëndrojmë me popullin e Kosovës për të realizuar një nga prioritetet tona kryesore, të përbashkëta: sigurimin që Kosova të zë vendin e saj të merituar në institucionet evropiane dhe euroatlantike”, ka shkruar Hovenier.
Ai ka shpërndarë edhe postimit e Sekretarit amerikan të shtetit, Anthony Blinken, i cili e ka përshëndetur dakordimin e arritur të shtunën në Ohër për zbatimin e marrëveshjes për normalizmin e marrëdhënieve Kosovë-Serbi.
Blinken tha se kjo do të përshpejtojë rrugëtimin e dyja vendeve për në anëtarësimin në Bashkimin Evropian.
Implementation of this agreement is critical to unlocking Kosovo’s future. We will continue to stand with the people of Kosovo to realize one of our key, shared priorities: ensuring that Kosovo takes its rightful place in European and Euro-Atlantic institutions. https://t.co/1pw6eg0nKs
— Ambassador Jeff Hovenier (@USAmbKosovo) March 20, 2023