Ambasada Britanike në Kosovë është shprehur e nderuar me suksesin e nënkolonelit Shpëtim Halilaj në Akademinë Ushtarake Mbretërore Sandhurst.
Në postimin në facebook, kjo ambasadë ka bërë të ditur se edhe kapiten Bajram Geci ka kryer me sukses detyrën si instruktor i ftuar atje.
“Si aleat i Kosovës ne do të vazhdojmë të mbështesim Forcat e Armatosura të saj dhe të ndihmojmë në edukimin e oficerëve dhe nënoficerëve të rinj në institucionet më prestigjioze ushtarake”, thuhet në postimin në facebook.
