Ministri i Mjedisit dhe Planifikimit Hapësinor, Liburn Aliu i shoqëruar edhe nga zëvendësi i tij, Hysen Durmishi, kanë dalë të mërkurën së bashku në terren për të parë nga afër punimet-ndërtimet që po po vazhdojnë të bëhen në autostradë dhe në rrugën rrugën Gjilan-Bujanovc.
Durmishi tha se si drejtues të ministrisë janë duke punuar me përkushtim për një infrastrukturë moderne e mjedis të qëndrueshëm për të gjithë qytetarët.
“Vizitë në terren, bashkë me ministrin Liburn Aliu, me të cilin po punojmë me përkushtim për një infrastrukturë moderne e mjedis të qëndrueshëm për të gjithë qytetarët. Ndërtimi i autostradës Gjilan-Dheu i Bardhë, me ç’rast vizituam që të 8 (LOT-et) e punimeve të kontratave ekzistuese”, ka thënë zëvendësministri Durmishi.
Ai bëri të ditur se për autostradën e Gjilanit për vitin 2023, tashmë janë ndarë mjete rreth 27 milionë euro.
Po ashtu, Aliu dhe Durmishi vizituan edhe dhe punimet që po zhvillohen për zgjerimin e rrugës Gjilan-Bujanovc (nga rrethrrotullimi i fabrikës së baterive deri te kyçja në Autostradë) projekt në vlerë prej 3.2 milionë euro, si dhe punimet për shtrimin e rrugëve “Ramadan Kallaba” e “Banimi i ri” në Roganë, të Kamenicës, në vlerë prej 135 mijë euro./KosovaNews/
