Kryetari Sindikatës së Arsimit në Prishtinë, Ahmet Pllana, i cili e mbanë këtë pozitë në mënyrë të kundërligjshme ngase zyrtarisht është në pension, gjatë mëngjesit të sotëm ka alarmuar mësimdhënësit që nuk respektojnë orarin e grevës duke i paralajmëruar se ministrja e Arsimit, Arbërie Nagavci, së bashku me inspektorët, do t’i vizitojnë shkollat për t’i verifikuar mësimdhënësit që nuk shkojnë në shkollë për shkak të grevës.
Në mesazhin siguruar nga KosovaNews, Pllana, duke paralajmëruar për inspektimet që do të kryhen nëpër shkollat e kryeqytetit, u ka bërë thirrje mësimdhënësve të Prishtinës që kenë kujdes në respektimin e orarit të grevës.
Kujtojmë se, në bazë të ligjit të grevave, grevistët, në këtë rast mësimdhënësit, janë të obliguar të qëndrojnë në vendin e punës sa zgjatë orari edhe pse janë në grevë.
Ditë më parë ish nënkryetari i SBAShK-ut, Rashit Maliqi, ka deklaruar për KosovaNews, se ka informata që mësimdhënësit nuk po e respektojnë orarin e grevës, por po qëndrojnë nëpër kafiteri madje disa prej tyre kanë shkuar edhe në Durrës për pushime.
“Kemi arsimtarë që janë në deti. Mua më ka telefonuar njeri që është në Durrës, e thotë se është në grevë dhe e merr pagën normal. Cila shoqëri jep pagë pa punuar?”, ka shtruar pyetjen Maliqi.
Ndërkaq Ahmet Pllana, që aktualisht mbanë pozitën e kryetarit të SBAShK-ut për Komunën e Prishtinës, e mb\në këtë pozitë në mënyrë të kundërligjshme, ngase ai tanimë zyrtarisht është i pensionuar dhe sipas ligjit nuk ka të drejtë të mbajë asnjë pozitë në institucione të Kosovës.
Ndryshe, Bashkësia e Sindikatave të Pavarura të Kosovës, ka filluar grevën më 25 gusht, me kërkesë të rritjes së pagave/KosovaNews/
Lexo po ashtu:
