Prokuroria Themelore në Gjakovë ka njoftuar se ka ngritur aktakuzë në Gjykatën Themelore në Gjakovë, kundër shtatë personave, prej të cilëve gjashtë dyshohen për veprën penale “fajdeja” e një për “ndihmë në kryerjen e veprës penale fajdeja”.
Disa prej tyre dyshohen edhe për verpën penale “mbajtja në pronësi, kontroll ose posedim të paautorizuar të armëve”.
“Për të pandehurin A.J., thuhet se ekziston dyshimi i bazuar se ka kryer veprën penale “Fajdeja” nga neni 331 par. 2 lidhur me par. 1 dhe nenin 77 të KPRK-së. Për të pandehurin B.J., ekziston dyshimi i bazuar se ka kryer veprat penale “Fajdeja” nga neni 331 par. 1 të KPRK-së, dhe “Mbajtja në pronësi, kontroll ose posedim të paautorizuar të armëve” nga neni 366 par.1 të KPRK-së”, thuhet në njoftim.
Për fajde dyshohet edhe i pandehuri me iniciale Z.Z..
“Për të pandehurin M.P., ekziston dyshimi i bazuar se ka kryer veprat penale ‘Fajdeja’ nga neni 331 par. 2 lidhur me par. 1 dhe nenin 77 të KPRK-së, dhe ‘Mbajtja në pronësi, kontroll ose posedim të paautorizuar të armëve’ nga neni 366 par.1 të KPRK-së. Për të pandehurin G.Ll., ekziston dyshimi i bazuar se ka kryer veprat penale ‘Fajdeja’ nga neni 331 par. 2 lidhur me par. 1 dhe nenin 77 të KPRK-së, dhe ‘Mbajtja në pronësi, kontroll ose posedim të paautorizuar të armëve’ nga neni 366 par.1 të KPRK-së. Për të pandehurin Xh.L., ekziston dyshimi i bazuar se ka kryer veprën penale ‘Fajdeja’ nga neni 331 par 1 të KPPK-së”, thuhet në njoftim.
Ndërsa për të pandehurin H.Gj., ekziston dyshimi i bazuar se ka kryer veprën penale “Ndihma në kryerjen e veprës penale fajdeja” nga neni 331 par. 2 lidhur me par. 1 dhe nenet 33 dhe 77 të KPRK-së.
Prokuroria ka njoftuar se Gjykatës i ka propozuar konfiskimin e përhershem të 12 veturave, 3 motoçikletave, 4 armëve të llojeve të ndryshme e parave.
“Prokurori i Shtetit, me rastin e ngritjes së aktakuzës i ka propozuar gjykatës që të pandehurit të shpallen fajtorë dhe të dënohen sipas ligjit për veprat penale të cilat iu vihen në barrë”, thuhet në njoftim.
